අංජනම





















ආසාව මිනිස් සිතේ ස්වභාවයකි. පි‍්‍රයමනාප දේ දැකීමට, ඇසීමට, ආඝ‍්‍රාණයට, කෑමට බීමට ඇති කැමැත්තත්, ශරීරයට සුව පහසු පහස ලබා දීමට ඇති කැමැත්තත්, මිනිසුන් අතර පමණක් නොව සතා සිවුපාවා වෙත ද පවතී.

කුහුඹුවන් හා මීමැස්සෝ වැසි කාලයේ ප‍්‍රයෝජන ගැනීම සඳහා ආහාර ගබඩා කැර ගනිති. ඒ හැරෙන්නට කිසිම සතෙක් තමන්ගේ කුසට ප‍්‍රමාණවත් ආහාරයක් අනුභව කරනවාට වඩා තොග රැස් කැර ගැනීමට කටයුතු නොකරයි.

එහෙත් මිනිසා තමන්ට පමණක් නොව තවමත් නූපන් දරු මුණුපුරන් සඳහා ද ධන සම්පත් රැස් කැර ගැනීම සඳහා කටයුතු කරන්නේ කිසි දිනක සෑහීමකට පත් නොවෙමිනි. ආසාව උග‍්‍ර වී දැඩි තණ්හාව බවට පත්වෙමින් වතුපිටි මිල මුදල් රැස් කිරීමට හඹා යති.

එවැනි උත්සාහයක් දැරූ විදේශීය වතු වැවිලිකරුවකු හා ඔහුගෙන් පසු ඊට වෙහෙසුණු අපේ මිනිසුන් කීප දෙනකුගේ කතාවකි මේ.

මේ කතාවේ මුල් කොටසට අවුරුදු දෙසිය ගණනකට සමීප ඉතිහාසයක් ඇත. දෙවැනි කොටසට ඇත්තේ අවුරුදු තිස් පහක පමණ ඉතිහාසයකි.

කතාව මතු වෙන්නේ දෙවැනි කොටසෙනි. එහු කතා නායකයා මගේ මිතුරෙකි. කාලයක් මෙරට ජනපි‍්‍රය ගුප්ත විද්‍යා පත‍්‍රයකට ලිපි සැපැයූ ලේඛකයෙකි. කොයිතරම් මිතුරුකමක් තිබුණත් ඔහු මේ කතාව මා සමඟ කීවේ නැත.

ඒ නිසා ඔහුගේ නම සඳහන් නොකරන්නට වගබලා ගනිමි. ඒ වෙනත් දෙයක් නිසා නොව බැණුම් අහන්නට බැරි නිසාය.

බොහෝ යක්ෂයන් භූතයන් සමඟ පයුරුපාසානයේ යෙදුණු මේ මිත‍්‍රයා මා දන්නා හඳුනන ස්වාමීන් වහන්සේ නමක සමඟ මේ කතාව කියා තිබිණි. මම එය උන්වහන්සේගෙන් අසා දැන ගත්තෙමි. දැන් අපි කතාවට යමු.

මෙය අදින් සියවස් දෙකකට ආසන්න කාලයෙක බදුල්ල ප‍්‍රදේශයේ සිදුවූවකි. ඔහු විදේශිකයෙකි. සුදු ජාතිකයෙකි. වැවිලිකරුවෙකි.

බදුල්ල ප‍්‍රදේශයේ විශාල වතුයායක තේ වගා කළේය. ඒ යුගයේ මැණික් සඳහා අද මෙන් විශාල ඉල්ලුමක් නොතිබුණත් මැණික්වල වටිනාකම මේ සුද්දා දැන සිටියේය.

තේ වගා කරන අතර හේ මැණික් ගැරවීම ද මැණික් මිලදී ගැනීම ද සිදු කෙළේය. සුළු මුදලක් ගෙවා මැණික් මිල දී ගත් අතර ඔහු ඒවා ලොකු වීදුරු බෝතල් පහක එක්රැස් කළේය.

මේ වතුයාය හරහා ගලා ගිය ඇළක් ද වීය. බංගලාවට එහායින් ගලා ගියමි ඇළට බංගලාවේ හා වත්තේ වතුර ද ගලා ගියේය. මේ ඇළේ ද සුද්දා මැණික් ගැරෙව්වේය.

මේ අතර එංගලන්තයේ ජීවත්වූ ඔහුගේ බිරිය අසනීප වී ඇති බව දැනගන්නට ලැබීම නිසා ඔහුට සිය රට බලා යෑමට සිදුවිය.

ඔහු සියරට යෑමට පෙර ඉතා විශ්වාසවන්ත වූ සේවකයකු ලවා ඇළ අසල වළක් කපා මැණික් බෝතල් පහ එහි තැන්පත් කොට කොන්කී‍්‍රට් දමා වසා දැම්මෙව්වේය.

එකල අද මෙන් නොව ගුවන් යානා ගමනාගමනය ඉතා විරල වූ අතර බහුල වශයෙන් වූයේ නැව් ගමනාගමනයයි.

සුද්දා බිරිය බැලීමට යෑම සඳහා නැව් නැංගේය. එහෙත් නැව ගමන් ආරම්භ කොට දින දෙකක් ගත වන විට මැලේරියාව වැළඳීම නිසා එයින් ම සුද්දා මියගියේය.

බංගලාවේ සිටි විශ්වාසවන්ත සේවකයා ද මැලේරියාව වැළඳී මිය ගියේය. සුද්දා මිය ගියේ මැණික් බෝතල් තුන පිළිබඳ ආශාව තදින් සිත්හි තබාගෙනය.

කෙසේ නමුත් මේ මැණික් නිධානය පිළිබඳව බංගලාවේ සිට මියගිය සේවකයාගේ බිරිය දැන සිටියාය. වතුයාය මැදින් ගලා ගිය ඇළේ දිය පහරේ වේගයෙන් ම කාලයක් ගතව ගියේය.

මේ අතර වරින්වර කීප දෙනකුම මේ මැණික් තොගය ලබා ගැනීම සඳහා මිනිසුන් පවා බිලි දෙමින් කටයුතු කළත් එසේ උත්සාහ කළ අය කුමන හේතුවකින් හෝ මිය ගියා මිසක මැණික් ලබා ගැනීමට නම් නොහැකි විය.

එක්දහස් නවසිය හැටේ දශකයේ අග භාගය මේ රටේ ගුප්ත විද්‍යා පුවත්පත් ඉතා ජනපි‍්‍රය වූ යුගයක් විය. අපේ මිත‍්‍රයා ද ගුප්ත විද්‍යාධරයන් සමඟ නොයෙකුත් ගවේෂණ සිදු කළේය. අත්හදා බැලීම් කළේය.

මේ අතර බදුල්ල ප‍්‍රදේශයේ පුද්ගලයන් හතර දෙනෙක් අපේ මිත‍්‍රයා සොයා ගෙන ආවෝය. දසකන් මන්ත‍්‍රණයක් රහසේ පැවැත්විණි. වැඩේ සාර්ථක වුණොත් අපේ මිත‍්‍රයාට ලැබෙන මැණික් කොටස ද සුළුපටු නොවීය.

ඒ කොටස මැණික් බෝතල් පහෙන් එකකි. ඔහු ද ඔවුන් සමඟ වාචික ගිවිසුමකට එළැඹියේය. මේ භාරදූර කාර්යය සඳහා මූලික වියදම් පිණිස සෑහෙන මුදලක් ද ලැබුණේය.

අපේ මිත‍්‍රයා ළඟ බලවත් අඳුනක් වීය. එය ඔහුට නොපෙනුණු අතර වෙනත් කෙනකුට හොඳින් පෙනුණේය. බදුල්ලේ වත්තේ නිධානය අසලින් පස් ටිකක් ගෙන්වා අවශ්‍ය පුද පූජා පවත්වා අඳුන බැලෙව්වේය.

ගලා යන ඇළ පාරක්, ඒ අසල දෙල් ගසක්, අඩි පහක් යට මැණික් බෝතල් පහක්, රැවුල වවා ගත් සුද්දෙක් ලන්තෑරුමක් අතින් ගෙන නපුරු බැල්මකින් යුතුව එතැන සිටිනා බවත්, මිනිසකු බිල්ලට දිය යුතු බවත් අඳුන බැලු අය පැවසුවේය. අඳුන බැලූ පුද්ගලයා කොයි තරම් බියට පත් වූයේ ද යත්.

“අනේ මහත්තයෝ මීට පස්සේ නම් මම අඳුන බලන්නෙත් නෑ. මට අඳුන බලන්න අඬ ගහන්නත් එපා” යැයි කියා යන්න ගියේය.

මේ වන විට අපේ මිත‍්‍රයා ගුප්ත විද්‍යා ගවේෂණ සඳහා මලයාලම් ඇදුරකු හා මිත‍්‍ර වී සිටියේය. ඔහුට කර්ණමුණ්ඩ බලයෙන් භූතයන්ගෙන් තොරතුරු ලබා ගැනීමේ හැකියාව තිබිණි.

මේ දෙදෙනා ඒ වන විටත් පාළුවට ගොස් තිබුණු වතු බංගලාවට ගොස් වැඩ කටයුතු ආරම්භ කළහ. ඔවුන්ට අවශ්‍ය ආහාරපාන පහසුකම් සැපයීම වැඩය බාරදුන් හතර දෙනා අතින් සිදුවීය.

මෙය ඉතා බාරදූර කාර්යයක් බැවින් මාසයක් පමණ ජීවම් කිරීම් කටයුතුවලට ගත වන බව ද ප‍්‍රකාශ වීය. මේ මැණික් නිධානයට අරක් ගත් යක්ෂයා මිනී බිල්ලක් ඉල්ලා සිටි අතර, මිනී මරන්නට නොහැකි බවත්, ඒ සඳහා ලේ පයින්ට් නවයක් දීමට යක්ෂයා සමඟ ගිවිස ගත්තේය.

එය මුදලක් දී ලේ බැංකුවෙන් ලබා ගැනීමට රෝහල් සේවකයකු ද කැමති කරවා ගත්තේය.

දැන් අපේ මිත‍්‍රයාත් මලයාලම් ඇදුරාත් පාළු බංගලාවේ සිට රහසිගතව ජීවම් කටයුතු කැර ගෙන යති.

ඔවුන් දහවල් නාන්නට ගියේ ද ඇළේ මැණික් නිධානය තිබු ස්ථානය අසලට ම ය. දැන් අපේ මිත‍්‍රයා ගේ කල්පනාව මැණික් නිධානය රැගෙන මලයාලම්කරු සමඟ අනිත් හතර දෙනාට හොරෙන් පලා යෑමට ය.

දිනක් මේ දෙදෙනා දහවල් නාන්නට ගියේය. මලයාලම්කරු ගලක් උඩ හිඳ ගෙන සිටියේය. අපේ මිත‍්‍රයා ඉක්මණින් ම නාන්නට පටන් ගත්තේ ය.

දිය යට ගිය මිත‍්‍රයා දියෙන් උඩට ඇවිත් බලන විට මලයාලම්කරු විකෘති වී අමුතු ස්වභාවයක් ගෙන සිටියේය.

“අයිෂෙ, මොකද? කරන්නේ. ඕයි නානවනං නානවා. තමුසෙලා සැප ගන්න ද ඇවිත් ඉන්නේ” යි හදිසියේ ම කැලෙන් මතු වූ අර හතර දෙනාගෙන් එකෙක් ඇසුවේය.

පෙරදී “මහත්තයා, මහත්තයා” යැයි කතා කළ ඔවුන් කතා කරන්නේ ද “ඕයි, අයිෂේ, තමුසේ” ආදී වශයෙනි. මේ වන විට අස්වභාවික ස්වරූපයක් ගෙන සිටි මලයාලම්කරු හූ තියාගෙන ගලෙන් පහළට වැටුණේය.

ඔහුට සාත්තු සප්පායම් කොට සිහිය ආ පසුව අනිත් පස්දෙනා ඔහු බංගලාවට ගෙන ගියහ.

තමාගේ තුනටියේ ඇටයක් පුපුරා ඇති බවත්, දැන් නැගිටින්නට තබා හෙල්ලෙන්නටවත් නොහැකි බවත් මලයාලම්කරු පැවසුවේය. ගමේ හතර දෙනා ඔහුට සිංහල වෛද්‍යවරයකුගෙන් ප‍්‍රතිකාර ලබා දීමට සූදානම් වන විට එය නුසුදුසු බවත්, එසේ කළොත් මේ රහස පවා හෙළිදරව් විය හැකි බවත්, තමන්ට පුරුදු වී ඇත්තේ ද ඉංගී‍්‍රසි බෙහෙත් බවත්, ආබාධිතයා පැවසූ බැවින් ඔහු රෝහල් ගත කළේය. මලයාලම්කරුගේ සාත්තුවට නතරවීමට අපේ මිත‍්‍රයාට සිදුවීය.

අනිත් හතර දෙනා මේ දෙදෙනාට අවශ්‍ය පහසුකම්, ආහාරපාන සපයා දී නැවත හෙට උදෙන් ම එන බව පවසා පිටත්ව ගියහ.

රෝගියා රෝහලට ඇතුළත් කොට පැය කීපයක් ගතවුණත් තවමත් ප‍්‍රතිකාරයක් නැත.

අභ්‍යන්තර බිඳීමක් නිසා වෛද්‍යවරු පරීක්ෂණ කරන්නේ ;හට උදේය. ඒත් රෝගියාගේ කෙඳිරි ගෑම නම් ටිකක් අඩුවී තිබීම සාත්තුකාරයාගේ හිතට තරමක සහනයක් වීය.

අපේ මිත‍්‍රයා මේ ගමන ආවේ දහසක් බලාපොරොත්තු තබා ගෙනය. අවශ්‍ය ප‍්‍රධාන කාර්යභාරය සඳහා කැඳවාගෙන ආ ඇදුරාගේ කොන්ද බිඳී ඇත.

මේකත් භූතයන්ගේ ම වැඩක් ද? මැණික් නිධානය ගැනීම වළක්වාලීම සඳහා කළ දෙයක්ද? එහෙම වුණොත් මේ තරම් දවස් මහන්සිවීම වතුරේ යාවිද? මැණික් බෝතල් පහක්. පරම්පරා දහයකටත් ඇති. ඒත් ඉතින්? ඔහුගේ ඔළුව යකාගේ කම්මල වැනිය.

රාති‍්‍ර නවයට පමණ මලයාලම්කරු ඇඳෙන් නැගිට්ටේය. තමන්ගේ ඔලගුව සකස් කැර ගත්තේය.

“මොනවා? තමුසෙට ඉබේම සනීප වුණාද? හෙල්ලෙන්න බෑ කියලා අපේ කරපිටින් ආ මිනිහා දැන් නැගිටලා. මොකක්ද තමුසෙට වුණේ?” අපේ මිත‍්‍රයා ඇසීය.

“මටනම් මොනවත් වුණේ නෑ. මහත්තයාට වෙන්න තිබුණු දේ මම යන්තම් ගලෙන් ලිස්සලා බේර ගත්තා.

මහත්තයා මීට පස්සේ නම් ඔය වගේ වැඩ බාර ගන්න එහෙම එපා. මම නම් එන්නේ නෑ” යි ඇදුරා කීවේය.

“ඇයි? ඇයි? මොකක්ද වුණේ?”

“මහත්තයා දවල් නාන කොට අර හතර දෙනා කැලේ ඉඳල මතු වුණේ පිස්තෝල හතරකුත් අතේ තියා ගෙන. මම දැනගත්තා මේ අය එන්නේ මහත්තයා මරලා මට කියලා නිධානෙ අරගන්න. ඊට පස්සෙ මාව මරා දානවාට කිසිම සැකයක් නෑ.

දැන් නිධානය ගත්තත් ඔය මිනිස්සු අපි දෙන්නව මරනවා. නොගත්තත් මරනවා. මහත්තයා තණ්හාවෙන් අන්ධ වුණාම උන්ට හොඳ නරක පේන්නේ නෑ. මහත්තයට මේ අනතුර නොපෙනුණෙත් ඔය තණ්හාව නිසාමයි. ඔය මැණික්වලට වඩා ජීවිතේ වටිනවා.

ඒකයි මම ගලෙන් ලිස්සලා වැටිලා තුනටිය බිඳුණා කීවේ එතැනින් මහත්තයත් බේරාගන්න ඕනැ නිසයි. දැන් හෙමින් සැරේ මේ ඉස්පිරිතාලෙන් පැනලා යමු යන්න. පයින් ගියත් එළිවෙන කොට හැතැප්ම දහයක් පහළොවක් යා ගන්න පුළුවන්” කියමින් මලයාලම්කරු වටපිට බැලුවේය.

රෝහල් සේවකයන් පෙනෙන තෙක් මානයක නැත. අනිකුත් රෝගීන් ගොරව ගොරවා නින්දේය. ඔහු වාට්ටුවෙන් පිටවූයේය.

අඩියට දෙකට මහ පාරට පැන ගත්තේය. ඔහු අනුගමනය කරනවා හැරෙන්නට අපේ මිත‍්‍රයාට ද වෙනත් කළ හැකි දෙයක් නොවීය.

“තන්හාය ජායතී ශෝකෝ. තණ්හාය ජායතීය භයං” අර හතර දෙනාට අහුවුණොත් බේරී පලා යන්නට ද නොලැබෙනු ඇත.

අඳුර මැදින් දෙදෙනෙක් ජීවිතය සොයා ඉක්මන් පියවර තැබූහ.

උදෙන්ම ගියා අස්පයො අල්ලන්න.

අද උදෙන්ම ගියා ආයුබෝං, අස්සයෝ අල්ලන්න.
ඈ............!!!
අස්සයෝ අල්ලන්න කිව්වම ඉතින්, මොනවත් හිතන්න එපා ආයුබෝං...
හොඳයි මං පැහැදිළි කරංඤ්ඤංකො එහෙනං

මං ගියේ චන්ද පොලට,
ඒකත් ඉතින් අස්ප රේස් එකක්ම නොවැ,
ඉතින් මං ගොහින් පෝලිමේ හිටං හිටියා නොවැ,
ඔන්න මගේ වාරෙත් ආවා.
හොඳයි පුතෝ දෙඤ්ඤං බැටේ කියලා මමත් චන්ද කොළයක් ඉල්ලා හිටියා.
ඔන්න එකපාරටම එතන හිටපු මිසී කෙනෙක් මගේ පෙළපත් නාමේ මහ හයියෙන් කෑගහලා කියපි.
ඕක ඉතිං මහ පරසිද්ධියේ කියන්ට ඕනෑයැ,
අනිත් මහත්තයා දික්කරපු චන්ද කොලෙත් උදුරලා අරගෙන,
මමත් ඉතින් එතනින් සුරුස් ගාලා අඩියට දෙකට පැනගත්තා.
ගියා අර හතර වටින් වහපු පෙට්ටිය අස්සට,
ගත්තා චන්ද කොලේ,
ගැහුවා අපට එපා කියලා කතිරයක්.
ඊට පස්සේ හොඳ ජොකියො තුන්දෙනෙක් බලලා ඇල්ලූවා ඔට්ටුවක්,
අනේ මන්ද ඉතින් හෙට තමයි මං ඔට්ටු අල්ලපු අස්පයො දිනලද කියලා බලන්ට වෙන්නේ.

හැබැයි ඉතිං දිනපුවම අස්පයින්ට අං එයිද මන්දා...!!!

අරුමය කතා පෙට්ටිය

අපි කතා පෙට්ටියක් පටන් ගත්තා.
ඔයාලත් එන්න කතාවට එකතු වෙන්න...

ගුරු ගීතය

චිංගීස් අයිත්මාතව්
Chingees Ayithmathaw

මම කවුලුව හැරියෙමි. කාමරය තුළට සිසිල් සුළං හමා එයි.
කාමරය තුළට සිසිල් සුලං හමා එයි. නිල්වන් පැහැදිළි අඩ අඳුරේ හිඳ, මගේ චි‍්‍රතවල තිබෙන කටු සටහණින් යුත් රූප හා දර්ශන දෙස මහත් ඕනෑකමින් බලන්ට විමි. ඒ කටු සටහන් කීපවරක්ම මකා දමා මුල සිට අඳිනලද ඒවාය. එහෙත් චි‍්‍රතය ගැන යමක් කීමට උචිත වේලාව නොවෙයි මේ.



මතු සම්බන්ධයි........

ඉලැක්‍ෂ්න් X

අවුරුදු ඉවරවෙනකොට ඉලැක්‍ෂන්... අනේ මන්දා....!!!

ආවඩා ආයුබෝ වේවා

ලැබුවාවූ සිංහල හින්දු අලුත් අවුරුද්ද,
සතුට රජයන, සාමය උදාවන නව වසරක් වේවා...!!!
එකසිය විස්සට දෙසිය විස්සක් ආවඩා ආයුබෝ වේවා.
වෙන කොහෙවත් යන්නේ මොකටෙයි ආයුබොවං...???
අලුත් අවුරුද්දේ එන්නකෝ, අපේ දිහාවේ...
අරුමයක්මැයි.... ඒ වගත් මෙසේම෴
Arumaya web Group

වෙන කොහේ යන්නද ආයුබොවන්

වෙන කොහෙවත් යන්නේ මොකටෙයි ආයුබොවං...???
අලුත් අවුරුද්දට එන්න, අපේ දිහාවේ...

අම්පිටියේ දෙවියෝ෴ ෴ ෴

අම්පිටියේ දෙවියෝ නැගෙනහිර පලාතේ පානම් පත්තුවේ පුද පූජාවට භාජනය වන දෙවි කෙනෙකි.
පානම් පත්තුවේ පිහිටි අම්පිටියේ,
උඩුපිල දේවාලයේ අලූත් දෙවියෝද,
යටිපිල දේවාලයේ පත්තිනි දෙවියෝද වැඩ සිටිති.
අලූත් දෙවියන්ද පත්තිනි දෙවියන්ද උදෙසා අංකෙළි උත්සවයක් පවත්වනු ලබන්නේ
යල කන්නයේ අස්වැන්න නෙළා ගැනීමෙනි පසුවය.
අම්පිටියේ දින දොලහක් පැවැත්වෙන මෙම උත්සවයට පිරිමි පමණක් සහභාගි වන අතර,
ස්ත‍්‍රීන්ට එම කාලය තුළ එම ස්ථානයට පැමිණිම තහනම්ය.
එමෙන්ම ගංකරේ ඇත්තන්ද සියලූ කිළි මගහැරීමෙන් පේවීම සිදු කළ යුතුය.
අං කෙළියේදී උඩුපිල ජය ගැනීම සුබ දායක ලෙස සැලකේ.
මින් පසු දෙවියන් ගමේ ගෙන ඒම සිදුවේ.

හැම නිවසකම මිදුලේ තැනූ අතු පැලක් මත පත්තිනි දෙවියන්ගේ ආභරන තබා,
කපුරාල විසින් සෙත් පතනු ලැබේ.
දෙවියන් ගමේ ගෙන ඒමේ දිනට පසුදින අලූයම මූදූ තීරයේ දිය කැපීමෙන්,
අංකෙලි උත්සවය නිමා වේ.

ගොයමට උපද‍්‍රව පැමිණුනු විට අම්පිටියේ දේවාලයට භාරවේ.
බාරය ඔප්පු කෙරන්නේ අලූත් දෙවියන්ගේ මඩුව නම් ශාන්තිකර්මය මගිනි.
මෙහි කියවෙන දේව කන්නලව්ව මෙසේය
........
නමෝ තෙදවරං දිවස් පස්වාන් දහසකට දිවස් කරුණා කරන්න යහපති

ආයි බෝ වේවා

ඕ.... ඕ.... සිට වැන්දෙත් බැහැ වැන්දේත්
දනිස් නමා දසගිල්ලෙන් වැන්දේත්
දොහොත් නමා දසගිල්ලෙන් වැන්දේත්
මෙසක්වලෙන් එසක්වලට එසක්වලෙන් එසක්වලට
මෙර හතර මූදේ
මේ ශ‍්‍රීලඞකා දීපයට නිධානයක් වූ පැවැත්වාවු
අලූත් බණ්ඩාර කෝවිලේ බණ්ඩාර
සමකුලූනු බැහැ උන්නාවූ අලූත් බණ්ඩාර
කතරගම මහ මූලස්ථානෙට වැඩ උලූවිත් කෝවිල තනා
පට පඩුරු අය කරගත් අලූත් බණ්ඩාර දෙවි හාමුදුරුවන් වහන්සේට කියා සිටින කන්නලව්වයි
මේ අසුරමණ්ඩියේ අට අනූවක් රෝග නව අනූවක් ව්‍යාධි දෙසිය තුනක් අන්ත‍්‍රා
යක්‍ෂ භය භූත භය පේ‍්‍රත භය ගසා නඩත්තු කරවා දී
ඉසේ තියාවුන් මල්ලක් බිමට බෑවා සේ
කාදුන්නක දුනු දියක් බෑවා සේ
අහසේ වලාවක් ගසා ගියා සේ
පොළොවේ දූවිලි කඩක් ගසා ගියා සේ
කිරි ගහට ඇතෙක් දළ දුන්නා සේ
මුහුද පීනා ගොඩ දුරට ආ සේ
හාල් ගරා ගල් දුටුවා සේ
සිද්ධ ස්වාමිනී
කනාගේ හැරමිටිය හැංගුවාසේ කරන්න එපා
පීරා කන කුකුළාගේ දෙපා බින්දා සේ කරන්න එපා
හිගන්නාගේ පාත්තරේ බින්දා සේ කරන්න එපා
සිද්ධ ස්වාමිනී
අට අනූවක් රෝග නව අනූවක් ව්‍යාධි දෙසිය තුනක් අන්ත‍්‍රා ගසා ගියා සේ
හත්දා බලි ඇරියා සේ
මේ සියලූ රෝග මේ සියලූ උපද‍්‍රව දුරු කර දෙන්න
අලූත් බණ්ඩාර දෙයි හාමුදුරුවන්ගේ ආනුභාවයෙන්
......
අරුමයක්මැයි.... ඒ වගත් මෙසේම෴ Arumaya web Group
අනුමෝදනාව
මහාචාර්ය කේ එ න් ඕ ධර්මදාස
උදුල බණ්ඩාර අවුසදහාමි




ආදිවාසියාගේ දැනුම

ආදිවාසින්ගේ පාරම්පරික දැනුම ගැන පරීක්‍ෂණයක් කිරිමට ගිය මැකලම්ට, හිටි හැටියේම දක්නට ලැබුනේ බිම දිගාවී පාරට කන තියාගෙන සිටිනා ආදිවාසියෙකි.
ඔහු ලගට කිට්ටුවූ මැකලම් මෙසේ විමසීය.

(මැකලම්) - ඔහේ මොකද ඔය පාරට කන තියාගෙන බිම දිගාවෙලා ඉන්නේ

(ආදිවාසියා) - දැන් මෙතනින් රතුපාට නිසාන් කාර් එකක් පැයට කිලෝමීටර් 70 ක වේගයෙන් ගියා.
කාරෙක එලවන් ගියේ කාන්තාවක්. පිටිපස්සේ සිට් එකේ බල්ලෙකුත් ඉන්නවා.

(මැකලම්) - මොනවා හරි පුදුමයි
...!!! ඔහේ ඔය විස්තර කියන්නේ පාරට කන තියාගෙන ඉඳලද..??

(ආදිවාසියා) - නෑ ඕයි ඒ කාරෙක දැන් මාව හප්පගෙන ගියා
.......***
අරුමයක්මැයි.... ඒ වගත් මෙසේම෴ Arumaya web Group

ගෙඩිය ගසා වැඩ වැරීම

අලුත් අවුරුදු කෝනම ගෙවදින්නේ, වැඩ වැරීමෙන් නොහොත්, පුන්‍ය කාලයෙන්. පන්සලේ ගෙඩිය ගැසීමෙන් ගංකරේ ඇත්තන්ට වැඩ වැරීමේ කාලය උදාවූ බව දන්වනවා
ගන්ඨාරේ බිහිවෙන්න කලින් අපේ පැරන්නෝ හොඳ හයිය හත්තිය තියෙන ලී කොටේක ඇතුළෙ ලොකු හිලක් විදලා සදා ගත්ත උපකරණය ගෙඩිය නමින් හැඳින්වූවා.
අවුරුද්දේ තුන්සියහැටපස් දවසෙම හේනේ කුඹුරේ වැඩ කරපු ගංකරේ අපේ ඇත්තෝ ගංතුලානේ හැමෝමත් එක්ක පන්සලට ගාල්වෙලා ආගමික වතාවත් වල යෙදෙනවා.

වැඩ වැරීමේ කාලය පුණය කාලය නමින් පසුව හැඳින්වුනේ මේ නිසාලූ ආයිබොවන්


අරුමයක්මැයි.... ඒ වගත් මෙසේම෴
Arumaya web Group

පක්‍ෂි දේශපාලනය පිටු දකිමු

පක්‍ෂි දේශපාලනය පිටු දකිමුසුදු රෙද්දෙන් සැරසී ප‍්‍රසිද්ධියේ උපාසක චරිතවල නියැලෙමින් හොර රහසේ වංචා දූෂණ කොමිස් ගැහිලි පගා ගැහිලි ප‍්‍රචන්ඩ ක‍්‍රියා මැර ක‍්‍රියා ආදිය සිදුකොට ජනතා නායකත්වය සොයා යාම වනාහී
සුදු රෙදි හොරුන්ගේ දේශපාලනයයි


ජනතාවගේ ඡුන්දයෙන් බලයට පත්ව කොතෙකුත් අක‍්‍රමිකතා ඔස්සේ කෝටි ගනන් මුදල් උපයමින් ඉන් ඇබිත්තක් පන්සලකට පූජා කොට සියලූ පව් වසා ගැනීම සඳහා කහ කුරුල්ලෙකු සේ නිතර නිතර පන්සලේ සැරිසරමින්
ජනතා නායකත්වය සොයා යාම වනාහී
කහ කුරුලූ දේශපාලනයයි



යුද්ධයට එරෙහිව හඩ නගන බව පෙන්වා ඊනියා සාම ව්‍යාපෘති ඔස්සේ රාජ්‍ය නොවන සංවිධාන හරහා මුදල් උපයා ගැනිමේ අරමුනින් අපේ සංස්කෘතිය සදාචාරය විනාශ කොට
ජනතා නායකත්වය සොයා යාම වනාහී
සුදු පරෙවි දේශපාලනයයි


කඳක් දුටු තැන කොටන්නට මාන බලමින් තමන් සතු සියලූ බලපුල්වන්කාරකම භාවිතා කොට කඳෙන් කඳට කොට කොටා මාරුවෙමින් කඳන් පසුපස හඹා යාම සඳහාම
ජනතා නායකත්වය සොයා යාම වනාහී
කොට්ටෝරු දේශපාලනයයි


තමන් බලයට පත්කළ ජනතාවගේ ප‍්‍රශ්නවලට විසඳුම් ලබා දීම තබා ඇහුම් කන් දීමටවත් ඉඩක් නොදී තොරතෝංචියක් නැතිව තමාගේ අනාගත සැලසුම් පිළිබඳව පුරාජේරු ගොන්නක් ඇද බාමින් ගජබින්නාලංකාරය වදාරමින්
ජනතා නායකත්වය සොයා යාම වනාහී
ගිරාපෝතක දේශපාලනයයි


පොදු ජනතාවගේ ප‍්‍රශ්න හමුවේ ඔවුන් අහන සියලූ දේ සඳහා හ්ම් හ්ම් යනුවෙන් පවසමින් ජනතාවට සහනයක් නොදෙමින්
ජනතා නායකත්වය සොයා යාම වනාහී
බකමූනු දේශපාලනයයි


තමා හමුවට පැමිණෙන ජනතා ප‍්‍රශ්න හමුවේ ඒවාට විශ්ලේෂනාත්මක විසඳුම් සොයනවා වෙනුවට කෑදරකම එකම පොදු ප‍්‍රතිපත්තිය කර ගනිමින්
ජනතා නායකත්වය සොයා යාම වනාහී
ගිජුලිහිණි දේශපාලනයයි

අරුමයක්මැයි.... ඒ වගත් මෙසේම෴ Arumaya web Group

අරුමයක්මැයි෴

මම දැනට මාස තුනකට උඩදි සිංහල යුනිකෝඩ් කියන්නේ මොකක්ද කියලා අන්දෝ සංසාරයක් දැනන් හිටියේ නෑ ආයුබොවන්.....!!!
මං එහෙනං මගේ කතාව පටන් ගන්නං එහෙනං...........


ඔන්න එකෝමත් එක දවසක මං ගියා අන්තර්ජාලෙට. ගිහිල්ලා රටේ ලෝකෙ සිද්ද වෙන්නෙ මොනවද කියලා හොය හොය ඉන්නකොට මට හමුවුනා අපේ රටේ ආරක්‍ෂක වෙබ් අඩවිය. ඉතින් ඒකේ එක තැනක මං දැක්කා..........

ඉතින් මමත් සිංහල ගත්තා

ඊට පස්සේ....????

ඉතින් ඊට පස්සේ තමයි මේ සේරම වෙනස් උනේ...
මාව අරගෙන අන්තර්ජාලය පියෑඹුවා සිංහල ලෝකෙකට.... <<<<<තමන්ගේ මව් බාසාවෙන් ආරංචි දැනගන්න එක හොඳයි නොවැ.>>>>> මොකටද නොදන්න දෙමළෙට ගි
හින් වරිගේ නහගන්නේ...!!!

අරුමයක්මැයි.... ඒ වගත් මෙසේම෴ Arumaya web Group


ව්‍යාප්තිය


අපි මේ සිංහල යුනිකෝඞ් භාවිතාව තව ටිකක් වැඩි කරන්න මොනවද කරන්න උවමනා
කළමනා කියලා ටිකක් කතා කරමුද? මේ දැවැන්ත වෙබ් අවකාශය තුළ අපි කුඩා
කූහුඹු රංචුවක් පමනයි. ඒත් ඒ කුහුඹු රංචුව ගොඩාක් ශක්තිමත්, ඔවුන්ට
පුලූවන් මේ දැවැන්ත වෙබ් අවකාශය තුළ අපේකම ගොඩ නගන්න. අපි ටිකක් කතා
කරමු. සමහරවිට හොඳ අදහස් මතු වේවි. තර්ක විතර්ක ඇති වේවි. දඩු කෑලි දිගටම
පිරිමදිනකොට ගිනි දලූ මතු වේවි නේද? අපි මේ හදන්නේ වටු කුරුල්ලෝ රංචුව
එදා වැද්දගේ දැල උස්සන් ගිහින් සමගි වෙලා බේරුණා වගේ වැඩකට තමයි. අපි මේ
කාර්යයට හොඳ ආරම්භයක් දුන්නොත්, අනාගතයේ දවසක අප්පුහාමි මාමට, ගුනදාස
අයියට, ජොසලින් අක්කට, ඥානපාල මලයට හීන් ආතට වගේම, බුරම්පි සිංඤොටත්,
වෙබ් අඩවිය, සිංහරාජ අඩවිය වගේ සුන්දර තැනක් වේවි.

"හොඳට මතක තියාගන්න, මහා බිතාන්‍ය ගොඩ නැගුනේ එක දවසකින් නොවන වග"
අපි පලබර, ඩිජිටල් කතිකාවතක් ගොඩ නගමු.

අරුමයක්මැයි.... ඒ වගත් මෙසේම෴ Arumaya web Group

මහනුවර


ශී‍්‍ර ලංකාවේ අවසන් රාජධානියේ කේන්ද්‍රස්ථානය වූ සෙංකඩගල හෙවත් මහනුවර ලෝක උරුම නගරයකි.
ගම්පොළ රජ කළ තුන්වැනි වික‍්‍රමබාහු රජු (කි‍්‍රව. 1357 සිට 1375* දඩයමේ යද්දී සාවකු පසුපස හිවලකු දුවනු දැක ලූහුබැඳ තිබේ. එක් ස්ථානයකදී නැවත ආපසු හැරුණු හාවා හිවලා ලූහුබැඳ යාමට පටන් ගෙන ඇත. මේ ආශ්චර්යය දුටු රජු ඒ ආසන්නයේ ලෙනක විසූ තාපසයකුගෙන් මේ පිළිබඳ විමසා ඇත. සෙංකණ්ඩ නැමැති ඒ තාපසයා පවසා ඇත්තේ මෙය ජය භූමියක් බවයි. ඉන් පහැදැනුණු රජු ඒ ආසන්නයේ රාජධානියක් කරවා ඇති බව වංශ කථා සාධක වල දැක්වේ. රාජධානිය කරවූ රජු තාපසවරයාට ගරු කිරීමක් ලෙස සෙංකඩගල පුරවරය ලෙස එම නව නගරය නම් කැර ඇත.


එහෙත් දහ හතර වැනි ශත වර්ෂයේ ලියැවුණු ශී‍්‍ර ලංකාවේ කඩයිම්පොතෙහි කටුබුලූරට නම් ස්ථානයක් ගැන සඳහන් කරන අතර දාහත් වැනි සියවසට අයත් මැදවල තඹ සන්නසත්, ති‍්‍රසිංහලේ කඩයිම් පොතත් කටුපුලූ හෙවත් කටුබුලූ යන නගරය ගැන පවසයි. මහනුවර නගරයට නුදුරු වර්තමාන වටපුලූව එම නගරය ලෙස පහසුවෙන් හඳුනාගත හැකිය. එසේනම් සෙංකඩගල නගරය බිහිවන්නට පෙර කටුපුලූව ජනාකීර්ණව තිබෙන්නට ඇත.


තුන්වනි වික‍්‍රමබාහු රජුගෙන් පසු ගම්පොළ රජ පැමිණි සේනාසම්මත වික‍්‍රමබාහු ගම්පොළ අතහැර සෙංකඩගල පුරවරය සිය අගනගරය කරගත්තේ. එහි භූගෝලීය පිහිටීම ආරක්ෂිතව සිටීම සඳහා මහෝපකාරී වීම ඒ සඳහා හේතුවිය. අනතුරුව ඔහුගේ පුත් ජයවීර අස්තාන කි‍්‍රස්තු වරෂ 1511 දී සෙංකඩගල රජ පැමිණ 1551 දක්වා රාජ්‍ය විචාලේය. ඔහුගෙන් පුස පාලකයා වූයේ කරලියද්දේ බණ්ඩාරය. ඉක්බිතිව සීතාවක රාජසිංහ රජු උඩරට රාජධානිය ආක‍්‍රමණය කර සීතාවකට වී තම පාලනය ගෙන ගියේය. කරලියද්දේගේ බෑණනු වූ දොන් පිලිප් හෙවත් යමසිංහ බණ්ඩර පසුව පෘතුගීසීන්ගේ සහාය ලබා උඩරට සීතාවක රාජ්‍යයෙන් මුදාගත්තේය. පේරාදෙණියේ වීරසුන්දර මුදලිගේ පුත‍්‍රයකු වූ දොන් ජුවන් හෙවත් කොනප්පු බණ්ඩාර දන්තුරේදී කළ මහ සටනකින් පෘතුගීසීන් ද පලවාහැර යමසිංහ බණ්ඩාර පරාජය කරමින් 1595 දී පළමු වැනි විමලධර්මසූරිය ලෙස රජ පැමිණියේය.


සිංහල රාජ්‍යත්වයේ සම්ප‍්‍රදායික උරුමය තහවුරු කරන සංකේතය වූ දන්ත ධාතූන් වහන්සේ කුරුවිට දෙල්ගමුවේ සිට මහනුවරට වැඩමවාගත් විමලධර්මසූරිය රජු දළදා මන්දිරයක්ද සෙංකඩගල රාජධානියේ කැරැුවූවේය. විමලධර්මසූරිය රජු 1604 දී මියගියේය, එතැන් පටන් 1815 ශී‍්‍රලංකාව බි‍්‍රතාන්‍යයන්ට නතු වන තුරු අනුක‍්‍රමික රුජවරු හත් දෙනෙක් පාලනයට ආහ,
සෙංකඩගල නුවර පසු කළෙක මහනුවර යන නමින් හැඳින්වෙන්නට විය, අදටත් ඉතිරිව පවත්නා ඓතිහාසික ගොඩනැගිලි සමූහයක් දැකිය හැකිය.


මේ අතරින් දළදා මාළිගාව ප‍්‍රධාන වේ. මෙය මුළින්ම හඳුන්වන ලද්දේ දළදා ගේ නමිනි. පළමුවැනි විමලධර්මසූරිය රජු දෙමහල් පහයක් ලෙස ගොඩනංවනු ලැබූ මේ මන්දිරය දෙවැනි විමලධර්මසූරිය රජු තෙමහල් මන්දිරයක් ලෙස වැඩි දුියුණු කර ඇත. වැඩසිටින මාළිගය ලෙස වර්තමානයේ හැඳින්වෙන පැරණි දළද මැදුරට ඉදිරියෙන් ඇත ිදෙමහල් ගොඩනැගිල්ල නිර්මාණය කරවන ලද්දේ නරේන්ද්‍රසිංහ රජු විසිනි.

අද ඉතිරිව ඇති මහ වාසල උඩරට අවසන් රජුගේ නිවාසය වූ මන්දිරයයි. එහෙත් අද එහි දක්නට ඇත්තේ කොටසක් පමණි. මහ වාසලෙන් විශාල කොටසක් වරින් වර විනාශ වීය, බි‍්‍රතාන්‍යයන් විසින් එය වරින් වර ප‍්‍රතිසංස්කරණය කරන ලදී. දළදා මාළිගයට වම් පසින් ඇති මහ වාසලේ ප‍්‍රධාන දොරටුව අදට ද පෙර තිබූ ආකරයටම දැකිය හැකි වීම විශේෂත්වයකි.
මහනුවර නගරයේ පිහිටි නාථ, විෂ්ණු, කතරගම හා පත්තිනි යන සතර දේවාල, දළදා මාළිගාවත් සමග දීර්ඝ කාලයක් මුළුල්ලේ සම්බන්ධවී පැවැතිණි. එයින් පැරණිතම දේවාලය වූ නාථ දේවාලය ඉදිකර ඇත්තේ කි‍්‍රස්තු වර්ෂ 14 වැනි සියවසේදී පමණ බවට සාධක හමුවී ඇත. එහි ඇති පුරාණ ගෙඩිගේ ඉතිහාසය එතරම් ඈතට දවයයි. මහනුවර නගරයේ ඇති පුරාණතම ගොඩනැගිල්ල වන්නේද එයයි.

දළදා මාළිගාව අබියස ඇති වැවේ අනෙක් පැත්තේ සියම් නිකායට අයත් භික්ෂූන් වහන්සේලාගේ මූලස්ථාන දෙකින් එකක් වන මල්වතු මහා විහාරය පිහිටා තිබේ. සේනා සම්මත වික‍්‍රමබාහු විසින් මෙම විහාරස්ථානය ගොඩනගන ලදී. මහාවංශයේ පැවැසෙන ආකාරයට මල්වතු හා අස්ගිරි විහාරයේ භික්ෂූනගේ ප‍්‍රයෝජනය සඳහා තවත් ආරාම අසූ හයක් ඔහු විසින් තැනැවිණි
මහනුවර නගරයට අලංකාරයක් වූ කිරි සයුර හෙවත් නුවර වැව ලෙස හැඳින්වෙන ජලාශය ගොඩනගන ලද්දේ ශී‍්‍ර වික‍්‍රම රාජසිංහ රජුගේ සමයේදීය. 1807 වර්ෂයේදී එතැන තිබූ කුඹුරක කුඩා පොකුණක් සෑදීම සඳහා හාරද්දී කිරි ඉබ්බෙකු මතුවූ බවත් එය දුටු නැකැත් කරුවන් එතැන ජලාශයක් කරවීම සුදුසු බවත් පැවසූවෙන් රජු ජලාශයක් කරවූ බව වංශකථාවන්හි කියැවේ., ජලාශය මැද රජු විසින් පරිහරණය කළ ගොඩනැගිල්ලක් තිබූ ¥පතක් අදටද දැකිය හැකි අතර ජලාශයේ ස්නානය කිරීමට පෙර ඇඳුම් මාරු කිරීමට සෑ¥ සුවිසල් උළුපැන්ගේ නැමැති ගොඩනැගිල්ල ද අදටත් ඉතිරිට තිබේ.

යටිනුවර වීදිය ඔස්සේ උතුරු දෙසට ගමන් ගනිද්දී සියම් නිකායේ අනෙක් භික්ෂු මූලස්ථානය වන අස්ගිරි විහාරය හමුවෙයි. මෙය මල්වතු විහාරයටත් වඩා පැරණි විහාරස්ථානයක් යැයි විශ්වාස කරයි, එය පිහිටුවා ඇත්තේ කි‍්‍රස්තු වර්ෂ 1305 ත් 1335 අතර කුරුණෑගල විසූ සිව් වැනි පරාක‍්‍රමබාහු ගේ ඉල්ලීම මත සිරිවර්ධන නැමැති සේනාධිපතියා විසිනැයි කියැවේ.

උඩරට රජුන්ගේ සිරුරු දවාලීම සඳහාත් අනතුරුව භෂ්මාවශේෂ තැන්පත් කිරීම සඳහාත් යොදා ගත් භූමිය වන ආදාහන මළුවද මෙහි පිහිටා ඇත. ශී‍්‍ර වික‍්‍රම රාජසිංහ රජු හැරුණු විට විමලධර්මසූරිය රජු ඇතුළු ඔහුගෙන් පසු රජ පැමිණි සියළුම රජවරුන්ගේ ආදාහන කර ඇත්තේ මෙහිදීය. එම රජවරුන්ගේ සොහොන් කොත් මෙම ස්ථානයේ තිබූ බවත් ඒවා පසු කලෙක සොරුන් විසින් කඩා බිඳ විනාශ කරන ලද බවත් ඉංගී‍්‍රසි ලේඛකයකු වන ෆෝබ්ස් සටහන් කැර ඇත.
පැරණි නගරයෙන් පිටත පිහිටා තිබූ ගංගාරාමයත්, සුදුහුම්පොළ විහාරස්ථානයත්, නිත්තවෙළ විහාරයත් ඓතිහාසික වශයෙන් වැදගත් ස්ථානයන් වෙයි.


දළදා මන්දිරය ඉදිරිපිට පිහිටි විවෘත භූමි භාගය හැඳින්වෙන්නේ මහා මළුව නමිනි. පත්තිරිප්පු ඉදිකරවූ ශී‍්‍ර වික‍්‍රම රාජසිංහ රජු පත්තිරිප්පුවේ සිට මහ මළුවට රැුස්වූ ජනතාව ඇමතූ බව ඓතිහාසික වාර්තාවල දැක්වේ. 1815 දී ඉංගී‍්‍රසින් ගේ කතිර කොඩිය වාරියපොළ සුමංගල හිමියන් විසින් බිම හෙළුවේ මේ බිමේදීය. 1818 කැරැුල්ල මෙහෙයවූ කැප්පෙටිපොළ විරුවාගේ හිස්කබල දැන් තැන්පත් කර ඇත්තේද මේ ස්ථානයේම වීම විශේෂත්වයකි.
සිංහලයේ අවස්න රාජධානිය වූ සෙංකඩගල හෙවත් මහනුවර ආශි‍්‍රතව තවමත් බොහොමයක් පුරාණ කලා ශිල්ප ආරක්ෂා වී තිබේ. මේ අතරින් ප‍්‍රධාන වන්නේ වාර්ෂික පැවැත්වෙන දළදා පෙරහැර හා ඒ ආශි‍්‍රත වූ සාම්ප‍්‍රදායික චාරිත‍්‍ර වාරිත‍්‍ර සමුදායයි. මෙවන් දුර්ලභ සංස්කෘතික ලක්ෂණ රැුසක් සහිත මහනුවර නගරය හා ඒ ආශි‍්‍රත පරිසරය වර්තමාන ලෝක උරුම නගරයක් ලෙස නම් කැර තිබේ.


අරුමයක්මැයි.... ඒ වගත් මෙසේම Arumaya web Group

ගාමිණි ෆොන්සේකා

ලාංකේය සිනමාවේ රංග ආශ්චර්යය, ගාමිණී
ලාංකේය සිනමාවට රුක්මණී දේවිය අහිමි වීමෙන් ඇති වූ හිඩැස පිරැවිය හැකි නිළියක එදා මෙදා තුර බිහි වූයේ නැත. එච්.ආර්. ජෝතිපාල අහිමි වීමෙන් ගායන ෙක‍ෂ්ත්‍රය තුළ ඇති වූ හිඩැස පුරවන්නටද ඔහු වැනි ගායන පෞරුෂයක් ඇති ගායකයකු එදා මෙදා තුර බිහි වූයේ නැත. විජය කුමාරණතුංග අහිමි වීමෙන් සිනමා රංගනය තුළ ඇති වූ හිඩැස පුරවන්නටද එදා මෙදා තුර කිසිවකු බිහි වූයේ නැත. ප්‍රේමසිරි කේමදාස අහිමි වීමෙන් සංගීත ෙක‍ෂ්ත්‍රය තුළ ඇති වූ හිඩැස පිරවිය හැකි සංගීතඥයකු යළි බිහිවන ඉඩකඩක් පෙනෙන්නට නැත. එසේම ගාමිණී ෆොන්සේකා නමැති අද්විතීය රංගධරයා අහිමි වීමෙන් ඇතිවූ හිඩැස පිරැවිය හැකි අයකු මතු බිහිවන බවක්ද පෙනෙන්නටද නැත.

අපට අහිමි වූ එ සංස්කෘතික බල කණු සියල්ලම මෙරට කලා ඇකඩමි තුළින් බිහිවූවන් නොවේ. එබඳු ඇකඩමි කිසිවක් එදා මේ රට තුළ බිහිනොවූවා මෙන්ම මතුවට බිහිවන බවක් පෙනෙන්නටද නැත. එබැවින් ඉහත දැක්වූ කලා ශිල්පීන් සියල්ලෝම ස්වකීය ජන්මයෙන් උරුම කරගත් කුසලතාවන් ස්වෝත්සාහයෙන් සහ සතතාභ්‍යාසයෙන් වර්ධනය කරගනිමින් විවිධ ෙක‍ෂ්ත්‍ර ඔස්සේ ඔවුන්ගේ නිර්මාණාත්මක හැකියාවන් මුදා හළ අය වූහ. එවැනි කලාකරුවන් අතර ගාමිණී ෆොන්සේකාට හිමි වනුයේ සුවශේෂී ස්ථානයකි.

ගාමිණී ෆොන්සේකා ලාංකේය සිනමාව ආක්‍රමණය කරන්නේ එය ජන්මයෙන්ම උරුමකම් කියූ අනුකාරකවාදී-නාට්‍යාතිශය-ඕලාරික ආකෘතිය අන්තර්ගතය සහ රංග වින්‍යාශය පිළිබඳ පූර්ණ වෙනසක අවශ්‍යතාවක් පැවැති පරිවර්තන යුගයකය.

ලාංකේය සිනමාවේ එකී පරිවර්තන යුගයේ පුරෝගාමියා වන ලෙස්ටර් ෙජ්මිස් පීරිස් 1956 දී රේඛාව ඔස්සේ ගැසූ පළමු කැරැල්ල තුළින්ම ගාමිණී ෆොන්සේකා මතුවීම ඔහුගේ සමස්ථ සිනමා ජීවිතය තුළම ලැබූ නියත විවරණයක් බඳුය.

ගාමිණී හාපුරා කියා සිනමාවට සම්බන්ධ වනුයේ ලෙස්ටර්ගේ 56 කැරැල්ලේ ක්‍රියාකාරී සාමාජිකයකු ලෙසිනි. ඔහු රේඛාව චිත්‍රපටයේ කාර්මික ශිල්පියකු ලෙස විලී බ්ලේක් යටතේ සිනමාවට අත්පොත් තබන අතර රේඛාව තුළින් හාපුරා කියා සමූහ දර්ශනයකට පෙනී සිටීමේ අවස්ථාවද උදාකර ගත්තේය.

රේඛාව බිහිවීමත් 1956 න් පසු බණ්ඩාරණායක රජය මගින් ඉන්දියාවේ චිත්‍රපට නිෂ්පාදනය තහනම් කිරීමත් සමග ලාංකේය සිනමාව එළැඹෙන්නේ සංක්‍රාන්තිමය යුගයකටය. එතෙක් දකුණු ඉන්දියානු ද්‍රවිඩ ජාතිකයන් අත තිබූ ලාංකේය සිනමා කර්මාන්තය තමන් වෙත අත්පත් කර ගන්නා සිලෝන් තියටර්ස්, සිනමාස් සමාගම සහ සිලෝන් එන්ටර්ටේන්මන්ට් සමාගම යන ආයතන මේ රට තුළ ස්ථාවර සිනමා කර්මාන්තයක් පවත්වා ගැනීම සඳහා අඩිතාලම සකස් කරන්නේ ඊට අවශ්‍ය සියලූ මනෝමූල සහ වාස්තවික තත්ත්වයන් පිළිබඳ සවිඥානික මනසකිනි.

ස්වකීය ආයෝජනයන් වඩාත් ශක්තිමත් කර ගැනීම සඳහා ඔවුහු තමන් විසින්ම අරඹන ලද සිනමා පුවත්පත් සහ සඟරා ඔස්සේ තරු ජනප්‍රිය කරවීමේ වෑයමක යෙදුණහ. මුලින්ම ස්වකීය නිෂ්පාදන තුළින් පොදු ජන රසඥතාව තුළ මවන සිහින කුමරුන්, වීරයන් පොදු ජන මනස තුළ පැල කිරීමේ කාර්යය පුවත්පත් සහ සඟරා ඔස්සේ සිදු කෙරිණි. සිනමා මාධ්‍ය පිළිබඳව අවබෝධයක් ලබාදීම හෝ ප්‍රේක‍ෂක රසඥතාව වැඩීම හෝ වෙනුවට එවායෙහි පළ කෙරුණේ නළු නිළියන්ගේ ඕපාදූප, ඔවුන්ට රසිකයන් ලියූ පෙම් ලිපි ඇතුළු විවිධ විශේෂාංගයි.

මෙසේ සිනමා ප්‍රකාශන හරහා ඇරැඹි තරු වන්දනාව තුළ වඩාත් ඉහළින් වැජඹෙන්නට ගාමිණී ෆොන්සේකාට හැකි වනුයේ එ සඳහා අවශ්‍ය වාස්තවික සහ මනෝමූල තත්ත්වයන් උත්පාදනය කිරීම සහ එවා රැක ගැනීම සම්බන්ධයෙන් ඔහු වඩාත් සවිඥානිකව කටයුතු කළ බැවිනි.

පොදු ජන රසිකත්වය තුළ සිහින කුමරකු මෙන්ම වීරයකු වන්නට දැරූ ප්‍රයත්නය තුළ ගාමිණීට ඔහුගේ ශරීරය වැදගත් ආයුධයක් විය. එතෙක් චිත්‍රපටවල කිරුළු පලන් ගිනිකූරු රැවුල් සහිත නළුවන් පරදවන කඩවසම් පෙනුමක් සහ මනා පෞර්ෂයක් ගාමිණී සතු විය. ස්වකීය ශරීර ලක‍ෂණ, පෞර්ෂයය, සිනමා විෂය පිළිබඳ අවබෝධය ආදී කරුණු නිසා ඔහු එදා සිනමා නිෂ්පාදකයන්ගේ අභිමතාර්ථයන් ජයගන්නා පොදුජන වීරයා වීමේ අවස්ථාව ක්‍රමිකව අත්පත් කරගත්තේය. එකී ජයග්‍රහණය තුළ අවසානයේදී ගාමිණී තමන් පෙනී සිටින දර්ශන තමන්ට අභිමත පරිදි රූපගත කිරීම සඳහා දර්ශන තලයේදී කැමරා ශිල්පියාට පමණක් නොව අධ්‍යක‍ෂකවරයාට පවා උපදෙස් දෙන තත්ත්වයට ඔහු සිනමා කර්මාන්තය තුළ ආධිපත්‍යයක් ගොඩනගා ගත්තේය.

එකී ආධිපත්‍යය ඔස්සේ සිනමාව තුළ පැවැත්ම සඳහා ශක්තිමත්ම අඩිතාලමක් සකස්කර ගන්නා ගාමිණී සිය ප්‍රතිභාව මුළුමනින්ම කැප කරන්නේ තම පැවැත්ම තහවුරු කරන ජනප්‍රිය සිනමා සංස්කෘතිය පෝෂණය කිරීම සඳහාය. එවකට සිනමා කර්මාන්තයේ පැවැත්ම සඳහා ප්‍රධාන සාධකය වූ ජනප්‍රිය සිනමා රැල්ලේ නිෂ්පාදනය වූ චණ්ඩියා ගැටවරයෝ සුර චෞරයා සූරයන්ගෙත් සූරයා ආත්ම පූජා හතරදෙනාම සූරයෝ එදත් සූරයා අදත් සූරයා කවුද රජා ඇතුළු වීර චිත්‍රපටවල කිරුළු පළන් වීරයා ලෙස පෙනී සිටි ගාමිණී සිය ජීවිත කාලය පුරාම විවිධ අයුරින් එම වීර ප්‍රතිරූපය ගොඩනඟා ගනිමින් සදහටම ඔබ මගේ කස්තුරි සුවඳ ආදරේ හිතෙනව දැක්කම ආදී චිත්‍රපට ඔස්සේ සුකුමාර පෙමිවතා වන්නට දැරූ පරිශ්‍රමය ඔහුගේ ආත්මය තුළ සැඟව තිබූ රංගනය පිළිබඳ සුවිශේෂ කුසලතාව නිසි ලෙස ප්‍රකට කරන්නට හැකිවන්නේ හරවත් චිත්‍රපට කිහිපයකින් පමණි.

ගාමිණී හාපුරා කියා සියුම් භාවමය රංග කාර්යකට එක්වන්නේ ඔහු සිනමාවට දායාද කරනු ලැබූ ලෙස්ටර් ෙජ්ම්ස් පීරිස්ගේ ගම්පෙරළිය චිත්‍රපටයෙනි.

වැඩවසම් සමාජයේ බිඳ වැටීමත් නව ධනේෂ්වර පංතියක නැගීමත් සංකේතවත් කරවන්නක් වූ ගම්පෙරළිය චිත්‍රපටයේ එන ජිනදාසගේ චරිතය සමාජ පරිණාමය හමුවේ බිඳ වැටෙන පැලැන්තියක නෂ්ටාවශේෂයක් බඳු විය. නව සමාජ ප්‍රවේගයක් හමුවේ ගසාගෙන ගිය පරඩැලක් බඳු වූ මේ පුද්ගලයාගේ ආත්මගත දුර්මුඛභාවයත් එම පුද්ගලයා වෙතින් සංකේතවත් වුණු දියවී යන වැඩවසම් වාදයේ මරලතෝනියත් මූර්තිමත් කිරීමට ගාමිණීට හැකි වන්නේ එම චරිතය සතුවූ ආත්මීය ලක‍ෂණ සියුම් ලෙස නිරීක‍ෂණය කිරීමට ඔහු තුළ පැවැති ඉවෙනි. එම ඉව ඔස්සේ ගොස් ජිනදාසගේ වැලපෙන ආත්මය සිය මුහුණේ සාක්වික අභිනයක් ඔස්සේ ප්‍රකට කරන්නට ගාමිණී සමත් වූයේය.

zගම්පෙරළියZ චිත්‍රපටයේ ජිනදාසගේ භූමිකාව ලද සීමිත ඉඩකඩ තුල සිය උපරිම කුසලාතව ප්‍රකට කරන ගාමිණී ඉන් අනතුරුව ඔහු විසින්ම අධ්‍යක‍ෂණය කරනු ලැබූ පරසතු මල් චිත්‍රපටයේ බොනී මහත්තයාගේ චරිතය තුළින් දීර්ඝ රංගනයක් සඳහා ඉඩකඩ පාදා ගනී. ස්ත්‍රිය සහ සුරාව ආත්ම කොට ගනිමින් දිවි ගෙවූ සෙල්ලක්කාර වලව්කාරයකු වූ බොනීගේ චරිතය තුළින් ගාමිණී සිය කුසලතාවන් නිසිලෙස අවදි කරන්නේ බොනී බීමත්කම නිසාම රෝගාතුර වූ අවස්ථාව වන විටය. රෝගාතුර වී මිය යන මොහොත දක්වාම ගාමිණී සිය මුහුණ බොනීගේ හදවත පිළිබිඹු කරන කැඩපතක් බවට පත්කර ගනී.

ඩී.බී. නිහාල් සිංහගේ වැලිකතර චිත්‍රපටයේ වික්‍රමරන්දෙනිය හැටියට ගාමිණී ඉදිරිපත් කරන රංගනය සිනමාවේ වීරයා ලෙසටම වැජඹෙන්නට ඔහු තුළ තිබූ උවමනාව පිරිමසන චරිතයක් වුවද උසස් පොලිස් නිලධාරියකු හැටියට සිය රාජකාරී ජීවිතයට එල්ල වන අභියෝගය හමුවේ මුහුණදෙන සංකීර්ණ තත්ත්වය මත එම චරිතයට මානුෂීය මුහුණුවරක් මෙන්ම බරක්ද ඔහු එක් කෙළේය.

ගාමිණී ෆොන්සේකාගේ අද්විතීය රංගනය ලෙසට ඉතිහාස ගතවන්නේ ලෙස්ටර් ෙජ්ම්ස් පීරිස්ගේ නිධානය චිත්‍රපටයේ විලී අබේනායකගේ භූමිකාවයි.

විලී අබේනායක වූ කලි අභාවයට යමින් පැවැති රදළ පරම්පරාවකින් පැවැත එන්නෙකි. හෙතෙම එම පරම්පරාවේ අවසාන පුරුක විය.

කිසියම් පන්තියක ගරා වැටීම එම පන්තිය නියෝජනය කරන පුද්ගලයාගේ පැවැත්ම කෙරෙහිද ඍජු ලෙසම බලපවත්වයි. එහිදී පුදග්ලයා ස්වකීය පන්තිය රැකගැනීම උදෙසා කරන අරගලය ඔහු ජීවත්වන ප්‍රායෝගික සමාජය සමග ගැටෙයි. මේ ගැටුමේදී පවතින සමාජයට අනුගත වන්නට නොහැකි වන පුද්ගලයා සමාජයෙන් වියුක්ත වූවකු බවට පත්වෙයි.

විලී අබේනායක ගොදුරුවී සිටින්නේ එම වියුක්තවාදී පුද්ගල පරා රෝපණයටයි. විලී අබේනායක ජීවත්වන්නේ මියගිය අතීතය සමගිනි. වර්තමාන යථාර්ථය ඔහු නුරුස්සයි. එහෙයින් ඔහුට අතීතය තුළ හෝ වර්තමානය තුළ හෝ පැවැත්මක් නැත. අතීතයේ හෝ වර්තමානයේ හෝ පැවැත්මක් නැති පුද්ගලයෙකුගේ ජීවන අත්දැකීම් සකස් වනුයේ කිනම් ආකාරයකින්ද?

විලී අබේනායක යනු එබඳු සංකීර්ණතා රැසකින් ගහණ මිනිසෙකි. එබඳු මිනිසකුගේ පුද්ගල ආත්මය විනිවිද දැකිය හැකිවන්නේ මනා පරිකල්පනයක් තුළින් ගොඩ නැගෙන නිර්මාණාත්මක රංග කුසලතාවක්ද ඇති නළුවකුට පමණි. විලී අබේනායක මුහුණදුන් සියලූ මනෝභාවයන් සූක‍ෂම ලෙස ග්‍රහණය කොට ගනිමින් එ එ අවස්ථාවලදී ක්‍රියාකළ ආකාරයන් පිළිඹිබු කිරීමේදී ගාමිණී තම ඉහළම රංග කුසලතා ඉවහල් කර ගනියි.

චිත්‍රපටය රූපගත කෙරෙද්දී වරෙක අපස්මාර රෝගියකු ලෙස දෑත් උඩ දමමින් ගොඩ දැමූ මාළුවකු මෙන් දඟලමින් කටින් සෙම දමිමින් ඔහු ඉදිරිපත් කළ රංගනය ලෙස්ටර් ෙජ්ම්ස් පීරිස් පවා බිය ගන්වන සුළුවිය. ලෙස්ටර් මෙන්ම එ මොහොතේ එම රූපගත කිරීම්වල නිරතව සිටි සිනමා ශිල්පීන් සිතා සිටියේ සැබැවින්ම ගාමිණී අපස්මාර රෝගයට ගොදුරුවී ඇති බවකි.

නිධානය චිත්‍රපටය දුටු විදේශිකයන් පිරිසක් චිත්‍රපට දර්ශණයෙන් පසු ගාමිණී මුණගැසී ඔහුගෙන් අසා ඇත්තේ යථෝක්ත දර්ශණයේදී දෑසේ කළු ඉංගිරියාව නොපෙනෙන ලෙස සුද පමණක් පෙනෙන ලෙස කළ අභිනය සඳහා කන්ටැක් ලෙන්ස් පාවිච්චි කළාද යනුවෙනි. එවැන්නක් ගැන තමා එවකට අසා නොසිටි බව පවසමින් ගාමිණී ඔවුන් ඉදිරියේ තම දෑසේ කළු ඉංගිරියාව නොපෙනෙන ලෙස ඇසේ සුද පමණක් මතුවන පරිදි එම ඉරියව්ව යළි රඟ දක්වා ඇත.

සැබවින්ම රංග කාර්්‍යයේදී නළුවකුට හෝ නිළියකට මනා පරිකල්පනයක් තිබීම අනවශ්‍යය. කිසියම් චරිතයක බාහිර ගති පැවතුම් මෙන්ම අභ්‍යන්තර ස්වභාවයන් විනිවිද දැකිය හැකි අන්දමේ භාවමය රංගනයක යෙදිය හැක්කේ එකී පරිකල්පනය මතයි. ගාමිණී තුළ පැවැති එම පරිකල්පන ශක්තිය සහ නිර්මාණාත්මක හැකියාව ඉහළින්ම ප්‍රකට කළ අවස්ථා වූයේ විලී අබේනායකගේ චරිතය ප්‍රතිනිර්මාණය කිරීම සඳහා ඔහු ඉදිරිපත් කළ අපූර්ව රංගනයයි.

සුනිල් ආරියරත්නගේ සරුංගලේ චිත්‍රපටයේ නඩරාජාගේ චරිත නිරූපණයද ගාමිණීගේ රංග කුශලතා මනා ලෙස ප්‍රකට කිරීමක් විය.

1958 ජාතිවාදී ගැටුම සරුංගලේ සඳහා විෂය වී තිබිණ. ද්‍රවිඩ ජාතිකයකු වූ නඩරාජා සිංහල තරුණියකට ප්‍රේම කරයි. ජාතිවාදය පිටු දකින හෙතෙම කුලවාදය තරයේ අදහයි. තම නැගණිය කුල හීන තරුණයකු සමග ප්‍රේමයෙන් වෙලී සිටීම ඔහු තරයේ ප්‍රතිෙක‍ෂ්ප කරයි. ඇගේ ප්‍රේමයට කුල වාදය හරස්වන්නා සේම නඩරාජා සහ සිංහල තරුණිය අතර පවතින ප්‍රේමයට ජාතිවාදය හරස්වෙයි. කුලවාදයෙන් මත්වී සිටින නඩරාජා ස්වකීය බලය යොදා තම නැගණියට ඇගේ පෙම්වතා අහිමි කරන අතර ජාතිවාදය නිසා ඔහුට සිංහල පෙම්වතිය අහිමි වෙයි. නඩරාජා තුළ පැවැති ප්‍රතිවිරෝධාත්මක ලක‍ෂණ නිසි ලෙස ග්‍රහණය කරගනිමින් එම ප්‍රතිවිරෝධතාව ප්‍රේක‍ෂකයා තුළ දනවන අයුරින් එකී චරිතය සතු ගුණ නුගුණ දෙකම ඉස්මතු කරන්නට ගාමිණීගේ අපූර්ව රංගනය සමත් වෙයි.

නිධානයට පසු ගාමිණී තවත් අද්විතීය රංගනයකට එක්වනුයේ ලෙස්ටර් ෙජ්ම්ස් පීරිස්ගේ යුගාන්තය චිත්‍රපටයෙනි. යුගාන්තය චිත්‍රපටයේ සවිමන් කබලාන යනු විශාල ප්‍රාග්ධනයකට හිමිකම් කියූ ප්‍රතාපවත් මිනිසෙකි. ඔහුගේ හැඩ රුව කතා ලතාවෙන් පමණක් නොව අභ්‍යන්තර ක්‍රියාකාරකම් තුළින්ද එම ප්‍රතාපවත් බව ඉස්මතු වෙයි. ෆැක්ටරි හිමියකු වූ හෙතෙම ධනය ඉපැයුවේ කම්කරුවන් තලා පෙලා දමා උක්ද~ු මිරිකන්නාක් මෙන් ඔවුන්ගේ ශ්‍රමය සූරා ගනිමින් යැයි වරෙක මාගේ පුත් මාලන් පවසයි.

එංගලන්තයේදී ඉගෙනුම ලබද්දී මාක්ස්වාදය වැළඳගන්නා මාලන් පසු කාලෙක පියාගේ ශ්‍රම සූරාකෑමට එරෙහිව පියාගේම ෆැක්ටරි සේවකයන් පෙළ ගැස්වීම නිසා පිය පුතු ගැටුමකට මුල පුරයි. එම ගැටුම තුළ සවිමන් කබලාන මුහුණු දෙන සංකීර්ණතා සියල්ල සියුම් ලෙස චිත්‍රපටය තුළ චිත්‍රණය වන්නේ ගාමිණීගේ විශිෂ්ඨ රංගනය තුළය.

ගාමිණී ෆොන්සේකාගේ සමස්ථ රංග කාර්ය දෙස විචාරක‍ෂියෙන් බලන විට පැහැදිලිව පෙනී යන්නේ ලාංකේය සිනමාව තුළ හරවත් චින්තනයක් ගොඩ නැංවීමෙහිලා පුරෝගාමී මෙහෙවරක් ඉටු කළ ලෙස්ටර් නැමැති මහා සිනමාකරුවා ගාමිණී ෆොන්සේකා විශිෂ්ඨ රංග ධරයකු කිරීමෙහිලා ද සුවිශේෂ මෙහෙයක් ඉටු කර ඇති බවයි.

ගාමිණී ෆොන්සේකා නැමැති විශිෂ්ඨ රංගධාරියා අවසන් හුස්ම හෙලන තෙක්ම සිනමාවෙහි රැඳී සිටිමින් චිත්‍රපට රාශියක චරිත නිරූපණය කරමින් සිය රංග ප්‍රතිරූපය සවිමත් ලෙස ගොඩනඟා ගැනීමට සමත්වුවද ඔහුගේ රංග කාර්යයෙන් උපරිම ඵල දැරුණේ ජනප්‍රිය සිනමාවක පැවැත්ම උදෙසාය. ඔහුගේ අධ්‍යක‍ෂණයෙන් බිහිවූ උතුමාණෙනි සාගරයක් මැද කොටි වලිගය ඇතුළු ඔහුගේ අනෙකුත් චිත්‍රපට තුළින්ද ඔහු උත්සාහ දැරුවේ එකී ජනප්‍රිය සිනමාව ශක්තිමත් කිරීමටය. එවැනි සිනමාවක පැවැත්ම උදෙසා ගාමිණී විසින් නිර්මාණය කරන ලද චිත්‍රපටවල අරුම පුදුම වීරයෝ වූහ. අරුම පුදුමයුක්ති ගරුක ගුණ ගරුක මානව හිතවාදීහු වූහ. ඉඳින් එම චිත්‍රපට ඇසුරු කළ පොදු ජන ප්‍රේක‍ෂකයෝ එම අරුම පුදුම වීරයන් මානව හිතවාදීන් තුළ සිය ආත්මය සඟවා ගනිමින් තමන් පෙළෙන්නාවූ කටුක යථාර්ථයෙන් පළා ගියහ. එසේ යථාර්ථයෙන් පළවාහරිනු ලැබූ පීඩිතයන් තිරයේ දුටු වීරයාත් ගාමිණී ෆොන්සේකාත් එකකු ලෙස දකින්නට වූහ. එම මායා දැල ඉරා දමනු වෙනුවට ගාමිණී ෆොන්සේකා කළේ ඔහුගේ පැවැත්ම සඳහාම එය තව දුරටත් සවිමත් කිරීමකි.

ගාමිණී ෆොන්සේකා විශිෂ්ට රංගධරයකු ලෙස ස්වකීය ආත්මගත ජීවිත පරිඥාණය බයිස්කෝප් කර්මාන්තයක් තුළ ස්වකීය පැවැත්ම උදෙසා පරදුවට තැබුවකු බව පසක් වනුයේ රංගනය යනු කුමක් දැයි ඔහු තුළ පැවැති මත පිරික‍ෂා බැලීමේදීය. නිධානය චිත්‍රපටයේ ස්වකීය රංගනය සම්බන්ධයෙන් ඔහු මෙසේ අදහස් දක්වා ඇත.

කවර කලාකරුවකු වුවද ලෝක ස්වභාවය හා මිනිස් සංහතියේ සිතුම් පැතුම් රටාව දකින්නේ ඔහුට ආවේනික වූ දෘෂ්ටියකිනි. ඔහුට ලෝකය පෙනෙන්නේ එ ආකාරයට විය හැකිය. නමුත් ඔබටත් මටත් මේ ලෝකය පෙනෙන ක්‍රමය වෙනස් වීමට ඉඩ ඇත. එබැවින් කවර කතා රචකයකු හෝ ලෝකයත් මිනිස් ජීවිතයත් දකින ක්‍රමය සර්ව සාධාරණ දැක්මක් ලෙස අපට පිළිගැනීමට නුපුළුවන. එ නිසා නිධානය චිත්‍රපටයේ විලීගේ චරිතය පමණක් නොව සෑම චරිතයක් දෙසම කතාකරුවා බලන ප්‍රමාණයට වඩා බැලීමට මම පුරුදුව සිටියෙමි.

යථෝක්ත ප්‍රකාශයෙන් ගාමිණී අවධාරණය කරනුයේ රංගනය යනු දෙන ලද චරිතයක ජීවත්වීම හෝ ඊට ආවේශවීම හෝ නොව රංගනය සඳහා ප්‍රවිශ්ඨ වන නළුවා හෝ නිළිය ස්වකීය ජීවන පරිඥාණය තුළින් එ චරිතය ප්‍රතිනිර්මාණය කිරීම බව පැහැදිලිය.

එම ප්‍රතිනිර්මාණ කාර්යය සඳහා නළුවකුට හෝ නිළියකට හෝ පරිකල්පන ශක්තියක් අනිවාර්යයෙන්ම තිබිය යුතුය. ගාමිණී ෆොන්සේකා චරිත නිරූපණයෙහි ලා එකී පරිකල්පණය ඉහළම අන්දමින් මෙහෙයවූ බව ඔහුගේ සමස්ත රංග කාර්යය හඩගා කියයි.

ගුණසිරි සිල්වා

---උපුටනය---
(ලංකා ඊ නිව්ස් -2009.මාර්තු 21)

අරුමයක්මැයි.... ඒ වගත් මෙසේමArumaya web Group

www.අරුමය.blogspot.com

අරුමය කියන්නේ ඉක්මනින් වෙබ් අවකාශයේ පැතිරී, සියලු දෑ සොයා බලා, කිරා මැන, පත අට එකට සිදවා වෙබ් අවකාශයට මුදා හරින සිංහල විශ්වකෝශයකි……

පොළොන්නරුව


ලංකාවේ පැරැණිරාජධානි අතරින් අනුරාධපුරයට පමණක් දෙවැනි වන පොළොන්නරුව ලෝක උරුම නගරයකි.

අතීතයේ පුලතිසි පුරවරය ලෙස හඳුන්වා ඇත. පොළොන්නරුවේ නගරයක් නිර්මාණය කරන ලද්දේ කවර කාලයකදී දැයි නිශ්චිත නැත. විජය රජුගේ විජය නම් අමාත්‍ය වරයෙකු විජිතපුර නමින් ගොඩනැගූ පුරවරය බව මතයකි. දුටුගැමුණු රජු මාස හතරක සටනකින් විනාශ කරන ලද එළාර රජුගේ විජිතපුර බළකොටුව පොළොන්නරුව ආසන්නයේ තිඛෙන්නට ඇතැයි ද විශ්වාසයකි.

පොළොන්නරුව පිළිබඳ මහාවංශයේ මුළින්ම සඳහන් වන්නේ පළමුවැනි උපතිස්ස රජු කි්‍රස්තු වර්ෂ 365 ත් 406 ත් අතර තෝපා වැව බැන්දවූ කතාවයි. කි්‍රස්තු වර්ෂ 633 දී තුන්වැනි අග්‍රබෝධි රජු විසින් කරවන ලද ආරාමයක් පිළිබඳ තොරතුරුද සඳහන් වේ. අනුරාධපුර රාජධානිය පැවැති සමයේ ඇතැම් රජවරුන් පොළොන්නරුව සිය වාසය සඳහා තෝරාගත් වංශකථා සාධක වල සඳහන් වේ. ඒ අනුව අනුරාධපුර සමයේදී ද පොළොන්නරුවේ දියුණු නගරයක් ලෙස පවතින්නට ඇත.

පස්වැනි මිහිදු රජු සමයේ සොළීහු මෙරට ආක්‍රමණය කොට අනුරාධපුරය රාජධානිය වනසා පොළොන්නරුව සිට රටේ පාලනය ගෙන ගියේය. වර්ෂ 1065 දී සොළීන් පළවාහැර අනුරාධපුරයේදී රාජ්‍ය අභිෂේක ලබන මහා විජයබාහු රජු පොළොන්නරුවට පැමිණ එය අගනුවර කර ගැනීමෙන් පොළොන්නරුවේ සිංහල රාජ වංශය ආරම්භ විය.

වර්ෂ 1164 දී පොළොන්නරුවේ රජ පැමිණ 33 වසරක් රාජ්‍ය විචාරනු ලැබූ මහා පරාක්‍රමබාහු රජුගේ පාලන සමයේ ශී්‍ර ලංකාව සහලින් ස්වයංපෝෂිත කරමින් දැවැන්ත වාරිමාර්ග පද්ධතීන්ද ඉදි කර තිබේ. එකළ රාමඤ්ඤ පුරය, ප`ඩි රට, රාජිනා පුරය ආදී විදෙස් රාජ්‍යයන් කිහිපයක්ද යටත් කරගත් බව මහාවංශයේ සඳහන් වේ. පෙළොන්නරුවේ ඇති නටඹුන් වලින් වැඩි ප්‍රමාණයක් මෙම රජතුමා විසින් කරවන ලද ගොඩනැගිළිය.

වර්ෂ 1187 දී රජ පැමිණී නිශ්ශංකමල්ල රජු ලංකාව පුරා විහාරා රාම ප්‍රතිසංස්කරණය කරමින් සහ අළුතෙන් කරවමින් සෙල්ලිපි රැසක් පිහිටුවා තිබේ. පොළොන්නරුවේ ඓතිහාසික ගල්පොත නැමැති සෙල්ලිපිය මෙම රජුගේ ලේඛනයකි.

දේශීය රජවරු පහළොස් දෙනෙක් ද ලීලාවතී හා කළ්‍යාණවතී නැමැති රැජිනියන් ද පාලනය ගෙනගිය පොළොන්නරු රාජධානිය කාලිංග මාඝගේ ආක්‍රමණයෙන් බිඳවැටේ.

නැවත දෙවැනි පරාක්‍රමබාහු මාඝ පරාජය කර දඹදෙණිය සිය රාජධානිය කර ගත්තේය. ඔහුගේ රාජාභිෂේකය පවත්වන ලද්දේ පොළොන්නරුවේදීය.

යාපහුවේ රජ පැමිණි තුන්වැනි පරාක්‍රමබාහු රජු දළදා වහන්සේද පොළොන්නරුව දළදා මාළිගයේ තැන්පත් කර කි්‍රස්තු වර්ෂ 1298 සිට 1303 දක්වා වසර පහක් පොළොන්නරුවට වී රාජ්‍ය පාලනය ගෙන ගියේය. ඔහු පොළොන්නරුවේ අවසන් රජුය.

ඉන් පසු වසර හත්සියයක් පමණ ඝන වනයෙන් වැසී තිබුණු පොළොන්නරු රාජධානිය බි්‍රතාන්‍ය සමයේ නැවත හෙළි පෙහෙළි කැරි‚. නව පොළොන්නරු නගරයක් දැන් තිබේ. පොළොන්නරුව දුම්රිය ස්ථානය අසළ කදුරුවෙළ නැමැති ගමේ මෙම නව පොළොන්නරු නගරය පිහිටා ඇත. පැරණි අනුරාධපුරයේ මෙන් පැරණි නගරයේ නටඹුන් මත ගොඩනැගිළි ඉදිවී නැත.

පොළොන්නරුවේ වෛජයන්ත මාළිගය නමින් හැඳින්වූ පරාක්‍රමබාහු මාළිගය, නිශ්ශංකමල්ල මාළිගය, පරාක්‍රමබාහු රාජ සභා මණ්ඩපය, නිශ්ශංකමල්ල රාජ සභා ගොඩනැගිල්ලත් පොළොන්නරුවේ රාජ්‍ය පාලනයේ ශී්‍ර විභූතිය කියාපාන සාධකයෝය.

නගරයෙන් ඈත්ව පිහිටි පොත්ගුල් වෙහෙර ද පොළොන්නරුවේ නටඹුන් අතර සුවිශේෂී වේ. ඒ ආසන්නයේ ඇති පිළිරුව මහා පරාක්‍රමබාහු රජුගේ හෝ පුලතිසි නම් සෘෂි වරයාගේයැයි ද මතයක් තිබේ.

› ලංකාවේ විශාලතම චෛත්‍යය වූ දෙමළ මහා සෑයද පොළොන්නරුවේ පිහිටුවා ඇත. දළදා මාළිගය, පබළු වෙහෙර, රන්කොත් වෙහෙර, මැණික් වෙහෙර ආදී චෛත්‍යයනුත් බද්ධ සීමා ප්‍රාසාදය, ලකාතිලකය, ගල් විහාරය, තිවංක පිළිමගෙය, ශිව දේවාලය ආදිය පොළොන්නරුවේ ඇති මාහැගි නිර්මාණයෝය.

අට දා ගේ, හැට දා ගේ සහ පොළොන්නරුව වටදා ගේ පොළොන්නරු යුගයේ ගෘහ නිර්මාණ ලක්ෂණ විදහා දකවයි. පොළොන්නරුවේ නටඹුන් වූ ගොඩනැගිලි හා කලා නිර්මාණ පරීක්ෂා කිරීමේදී පෙනී යන්නේ ඒවාට හින්දු බලපෑම විශාල වශයෙන් ලැබී ඇති බවයි. මෙම නටඹුන් අතර හොඳින්ම ආරක්ෂා වී ඇත්තේ දැනට දක්නට ඇති පැරණිතම ඉදිකිරීම වීමද විශේෂයකි. එය සොළීන් විසින් ඉදිකරන ලද ශිව දේවාලයයි. සත් මහල් ප්‍රාසාදයද පොළොන්නරුවේ ඇති අපූරු නිර්මාණයකි.

මූලික ඉදිකිරීම් නටඹුන් වී ගිය පසු නැවත ප්‍රතිසංස්කරණය කිරීම් සහ ඒ මත නැවත නැවත ඉදිකිරීම් දක්නට නොලැඹෙන පොළොන්නරු නගරය ශී්‍ර ලංකා ඉතිහාසයේ තවත් ස්වර්ණමය යුගයක මතක සටහනකි.

අරුමයක්මැයි.... ඒ වගත් මෙසේම෴ Arumaya web Group

සීගිරිය

කොළඹ සිට කුරුණෑගල දඹුල්ල මාර්ගයේ ඉනාමලූව හන්දියෙන් හැරී කිලෝ මීටර 10 ක් පමණ ගමන් කළ විට සීගිරි පර්වතය හමුවේ. සිංහ රුවක ආකාරයට තැනූ මාළිගාව නිසා එම පර්වතය සීගිරිය නම් වී ඇත.

අනුරාධපුරයේ රජකළ ධාතුසේන රජුට යකඩ දෝලියකගෙන් ලත් කාශ්‍යප නම් කුමරුවකු හා අභිෂේක බිසවගෙන් ලත් මුගලන් නම්වූ පුත්තු දෙදෙනෙක් ද දුවණියක ද වූහ.. රජු තම නැගණියගේ පුත් සෙන්පති මිගාරට ඇය විවාහ කර දුන්නාය. මිගාර දිනක් තම දියණියට අමානුෂික ලෙස පහරදුන්නේ යැයි කිපුණු රජු තම සොහොයුරිය වූ මිගාරගේ මව නිරුවත් කොට පුළුස්සා මරා දමන්නට නියෝග කළේය. රජුගෙන් පළිගන්නට සිතූ මිගාර කාශ්‍යප කුමරුන් රාජ්‍ය ගැනීමට පෙළඹවූවේය. මුගලන් සේනා සංවිධානය කොට රාජ්‍යය ගැනීමෙී් අපේක්ෂාවෙන් ඉන්දියාවට පලා ගියේය.

මුගලන් වෙනුවෙන් ධාතුසේන රජු ධනය තැන්පත් කර ඇතැයි කාශ්‍යපට කියමින් මිගාර ධාතුසේන රජු කෙරෙහි තවදුරටත් බිඳැවීය. තැන්පත් ධනය ගැන ප්‍රශ්න කළ විට ධාතුසේන රජු කාශ්‍යපට කියා සිටියේ ඒ ධනය කලා වැව බවයි. ඉන් කිපුණු කාශ්‍යප සිය පිය රජු නිරුවත් කොට කලා වැවේ බැම්මට තබා මැටිගස්සවා මරා දැමීමට නියෝග කළේය.

සිය පියා මැරූ පලිය ගැනීමට සහෝදරයා වූ මුගලන් කුමරු කෙදිනක හෝ යුද්ධයට එතිැයි බියෙන් කාශ්‍යප සීගිරිය බළකොටු රාජ්‍යය ගොඩනැගූ බව ඉතිහාසය සාක්කි දරයි.ප්‍රාකාර, දිය අගල්, උයන්වතු, ජල උද්‍යාන සේම මහා කලාගාරයක් බඳු රූකම් ද ඇති සීගිරිය ලෝක උරුමයකි. මෙහි ඇති අපූර්වත්වය හේතුවෙන්ම මෙය නිල නොලත් අටවැනි ලෝක පුදුමයැයි ද දෙස් විදෙස් හි ප්‍රචලිතය.

අද අප දකින සීගිරිය ඉතිහාසයට එක්වන්නේ කි්‍රස්තු වර්ෂ 477 දී කාශ්‍යප රජු සිය මාළිගාව සීගිරි පර්වත මස්තකයේ තැනීමෙනි. පුරාවිද්‍යාත්මක සාක්කි අනුව සීගිරියේ ඉතිහාසය ඉන් බොහෝ ඈත අතීතයකට යයි. රාවණ රජුගේ මාළිගාවක් සීගිරියේ වීයැයි මතයක් ඇතත් එය සනාථ කිරීමට මෙතෙක් කිසිදු සාක්කිියක් හමුවී නැත. එහෙත් හමුවූ සෙල්ලිපි රැසකින් පැවැසෙන්නේ දෙවනපෑතිස් යුගයේදී පවා සීගිරිය ආර්ය ජනාවාසයක් වූ බවයි. සීගිරිය අවට කැණීම් වලදී අතීතයේ භාවිතා කළ ඉතාමත් දියුණු යකඩ තාක්ෂණයක අවශේෂ හමුවී තිබේ.

සීගිරි පර්වතය මත ඉදිකැර ඇති රජ මාළිගය සහ අනෙකුත් ගොඩනැගිලි ශී්‍ර ලංකාවේ පැවැති දියුණු ගෘහ නිර්මාණ ශිල්පයට මනා සාක්කියක් වී ඇත. ඉතා සමමිතික ආකාරයෙන් නිමවා ඇති ජල උද්‍යානයත් එහි ඇති ජලවහන පද්ධතියත් නූතන ඉංජිනේරුවන් මවිත කරවන නිර්මාණයන්ය. වැසි වැටුණු විට තවමත් කි්‍රයාත්මක වන ජලමල් පද්ධතිය සීගිරි යුගයේ සිටි හෙළ නිර්මාණ කරුවන්ගේ විශ්මිත හැකියාව පෙන්වයි.

සීගිරිය ප්‍රසිද්ධවූයේ බිතු සිතුවම් හේතුවෙනි. එහි ඇත්තේ ශී්‍ර ලංකාවේ විශිෂ්ටතම චිත්‍ර නිර්මාණ බව විද්වතුන්ගේ මතයයි. රන්වන් හා නිල්වන් වර්ණයෙන් යුතු කාන්තා රූප 22 ක් දැනට එහි දක්නට ඇත. ස්වර්ණ වර්ණ කතුන් අන්තඃපුර ස්තී්‍රන් බවත්, නීල වර්ණයෙන් දක්වා ඇත්තේ සේවිකාවන් බවත් ප්‍රථම පුරාවිද්‍යා කොමසාරිස් එච්.සී.පී.ඛෙල් පවසයි. මේ කතුන් මල් රැගෙන පිදුරංගල වන්දනා කරන්නට යන බවද ඔහු පවසා ඇත.

පුරාවිද්‍යා කොමසාරිස් ඉන් පසු එම තනතුරට ආ සෙනරත් පරණවිතාන මහතා පවසන්නේ විජ්ජු ලතා සහ මේඝ ලතා සංකේතවත් කරමින් මේ කතුන් ඇඳ ඇති බවයි.

සීගිරියේ තවත් අපූර්වතම නිර්මාණයක් වන කැටපත් පවුරේ සටහන් තබා ඇත්තේ ඉන් පසු සීගිරියට පැමිණි විවිධ තරාතිරමේ පුද්ගලයන් විසිනි. අද එහි පැහදිලිව හඳුනාගත හැකි ගී 700 ක් පමණ තිබේ. අතීත භාෂාවත්, ඔවුන්ගේ රසාඥතාව හා සිංහල භාෂාව ක්‍රමිකව විකාශය වූ ආකාරයත් මෙී කුරුටු ගී පෙන්වයි.

ක්‍රමයෙන් වනාන්තරයෙන් වැසී ගිය සීගිරිය නැවත සොයාගෙන ඇත්තේ 1831 දී මේජර් එච්. පෝර්බ්ස් විසිනි. යළි 1833 දී පෝර්බ්ස් සීගිරියේ කැටපත් පවුර සහිත මාර්ගය දක්වාම ගොස් ඇතත් පර්වතය මතට නැගීමට නොහැකිවී ඇත. ඇත්තේ ඒ..වයි..ඇඩම්ස් සහ ෙජ්.බේලි යන තරුණ සිවිල් නිලධරයන් දෙදෙනා 1853 දී එහි මුළින්ම නැගුණු බව කියති.1894 දී එච්.සී.පී.ඛෙල් සීගිරිය එළි පෙහෙළි කොට එහි පුරාවිද්‍යාත්මක ගවේෂණ ආරම්භ කළේය.

පැරණි ශී්‍ර ලාංකිකයාගේ අතිශය විශ්මිත නිර්මාණයක් වූ සීගිරිය ලාංකික සංස්කෘතිය හා ඔවුනගේ ප්‍රතිභාපූර්ණ නිර්මාණ ශක්තිය පිළිබඳ අපූර්වත්වය සමස්ත ලෝකයා හමුවේ තබන අති දැවැන්ත නිර්මාණයකි.

සීගිරියේ බටහිර දොරටුව කැණීම් සිදුකර තිබේ. ඒ අනුව එහි ජල උද්‍යානයේ බොහෝ කොටස් මතුකරගෙන ඇත. නැගෙනහිර දොරටුව දෙසින් කැණීම් සිදුකර නැතත් ඒ ප්‍රදේශයේ කරන ලද ගවේෂණඅනුව පෙනී ගොස් ඇත්තේ නැගෙනහිර දෙසින් ඇති ගොඩනැගිලි ඉදිකිරීම් අතරමග නවතා දමා තිබූ බවයි. මුගලන් යුද්ධයට එනවිට නැගෙනහිර දෙසින් නගර නිර්මාණය කරමින් තිඛෙන්නට ඇත. එම ප්‍රදේශය විශාල ප්‍රමාණයේ රථ වාහන පර්වතය ආසන්නටයට ගත හැකි ආකාරයෙන් නිර්මාණය වී තිඛෙන බවද බොහෝ විට ඒවා ඇත් කරත්ත වැනි වාහන විය හැකි බවද පුරාවිද්‍යාඥයෝ පවසති.

18 වසරකට පසු සේනා රැස්කරගත් මුගලන් කාශ්‍යප සමග යුද්දයට පැමිණියේය. යුද්ධයට ගිය කාශ්‍යප මඩ වළකින් එතෙරවීමට නොහැකිව තම ඇතු ආපසු හැරවූ මොහොතේ රජු පලා යති යි සිතූ සේනාව හිස් ලු ලු අත දිවගියෙන් තනිවූ කාශ්‍යප සියතින් ගෙළ සිඳගෙන මියගිය බව වංශ කථා වල දැක්වේ. කාශ්‍යප මියගිය පසු රාජ්‍යය ගත් මුගලන් සිය සොහොයුරාට රජකුට සුදුසු අවමංගල උත්සවයක් පවත්වා භෂමාවශේෂ තැන්පත් කර සෑයක් ද කරවා ඇත. එම සෑය පිදුරංගල විහාරයට නුදුරින් සොයාගෙන තිබේ. මුගලන් සීගිරිය භික්ෂූන් වහන්සේලාට භාරකොට නැවත අනුරාධපුරයට ගොස් ඇත.

අරුමයක්මැයි.... ඒ වගත් මෙසේම෴
Arumaya web Group